Агар бола сизни қўйиб юбормоқчи бўлмаса...

Хотиржамлик билан хайрлашишнинг сирлари

Болалар боғчасига боришни хоҳламайдиган болаларнинг ота-оналари менга кўп мурожаат қилишади. Ҳар бир тонг бутун оила учун курашга айланади: йиғи, онага ёпишиб олиш, истерикалар ва бошқа кўплаб қийинчиликлар. Бу нафақат болаларга, балки ота-оналарга ҳам ташвиш ва стресс келтириши мумкин.

Бироқ, бу вазиятни енгишга ёрдам берадиган самарали усул бор — бу "Қайтиш календары" техникасидир.

"Қайтиш календары" нима?​

"Қайтиш календары"ни яратиш ва ундан фойдаланиш боланинг ота-оналардан ажралиш хавотирини енгиб ўтишига ёрдам беради. Қуйида уни қандай яратиш бўйича қадамма-қадам кўрсатма берилган:

1-қадам: Материалларни тайёрлаш

• Қоғоз ёки катта ватман, шунингдек электрон форматни ҳам танлаш мумкин.
• Рангли маркерлар, қаламлар ёки фломастерлар.
• Наклейкалар, расмлар ёки болани қизиқтирувчи бошқа элементлар.
• Линейка (хоҳласангиз, аниқ чизиқлар учун).

2-қадам: Календарни яратиш

• Форматни танлаш: Календарни қандай кўринишда бўлишини танланг. Кичик ёшдаги болалар учун кун ёки бир неча соат каби қисқа вақт интервалларидан фойдаланган маъқул.
• Календарни тузиш: Ҳафтани ташкил этувчи 7 ҳужрани чизинг.
• Вақт интервалларини белгиланг, масалан, бола боғчада соат 9:00 дан 17:00 гача бўлса, вақтни ярим соатлик ёки соатлик интервалларга бўлинг.
• Визуал элементлар қўшинг: Боланинг қизиқиши учун расмлар, наклейкалар ёки рангли маркерлардан фойдаланинг. Бола учун кун тартибини визуал равишда кўрсатадиган расмлардан фойдаланиш мумкин. Масалан, тушликдан кейин уни олиб кетишларини тушунтириш учун тушлик белгисини қўшинг.

3-қадам: Болани тушунтириш

• Бола билан "Қайтиш календары" ҳақида гаплашинг. Унга бу календар қандай ишлайди, деб тушунтиринг: "Ҳар сафар сен боғчага кетганингда, биз вақтни белгилаймиз ва сени қайси вақтда олиб кетишимни билиб оласан."

4-қадам: Календарни қўллаш

• Ажралиш вақтини белгиланг: Ажралиш вақти келганда, бу вақтни календарда белгиланг (масалан, рангли юлдузча билан).
• Қайтиш вақтини белгиланг: Ота ёки она болани олиб кетганда, бу вақтни, масалан, смайлик ёки наклейка билан белгиланг. Бу болага ота-онасининг қайтиши ҳақидаги ишончни мустаҳкамлайди.

5-қадам: Вақтни аста-секин ошириш

• Бола ажралишга яхши мослаша бошлагач, боғчада ўтказадиган вақтини аста-секин узайтиринг.

6-қадам: Жараённи якунлаш

• Бола боғчага боришни ёқтириб қолганда, унинг муваффақиятларини биргаликда муҳокама қилинг ва уни мақтанг.

Агар барча усуллар самара бермаса, мутахассислардан ёрдам сўрашдан уялманг. Мутахассисларнинг қўллаб-қувватлаши болангизнинг хавотирини енгишда ёрдам беради.