Ҳомиладорликни режалаштириш

Одамлар ҳомиладорликни режалаштириш ҳақида ўйлаганда, одатда, шифокорларга бориб, ўз жисмоний соғлиги яхшими-йўқми, текширтиришади. Агар қандайдир патологиялар бўлса, ҳомиладорликкача уларни даволаш керак бўлади. Агар ҳамма таҳлиллар меъёрда бўлса, шу ерда ҳомиладорликка тайёргарлик тугайди. Ачинарли томони шундаки, одамлар соғлиқнинг руҳий жиҳатини унутмоқда, уни аҳамиятсиз деб ҳисоблайди. Ҳар қандай она бўлишга тайёр эмас ва болага соғлом ҳаёт учун яхши старт беришни билмайди. Бунинг сабаби шундаки, кимдир болани “керак”, соат ишламоқда, ёлғиз қолишдан қўрқади, боладан ўз ҳаётида қандайдир эҳтиёжини қондиришни истайди, ёки ўзига суянчиқ сифатида кўришни истайди.

Бироқ энг муҳими шуки, ҳар ким болали бўлишга онгли тарзда ёндашмайди. Кўплаб ота-оналарнинг ўзларининг салбий ҳаёт тажрибалари, болаликдаги жароҳатлари ва ранжишлари бор бўлиб, улар ўзлари учун ҳам ҳаётни заҳарлайди. Улар буни фарзандларига ҳам ўтказади. Улар буни бошқача қилишни билмайдилар, натижада бола ҳам бошидан ноқонуний, зарарли ғоялар ва дастурларни олади. Бундай оналар ўз муаммолари ва мураккабликларини ҳал этмаганлиги сабабли, бола туғилгандан кейин депрессияга тушишлари ёки шунга ўхшаш ҳолатларга дуч келишлари мумкин.

Шунинг учун, агар сиз соғлом ва бахтли оила тузмоқчи бўлсангиз, ҳомиладорликни режалаштирганда ўз руҳий ҳолатингизни ҳам кўриб чиқиш керак.

Агар сизда қуйидагилар мавжуд бўлса, ҳомиладорликни режалаштиришда психолог билан маслаҳатлашиш зарур:

• Болаликда қийинчиликлар бўлган, ота-она сизга муҳаббат кўрсатмаган ва сиз ҳали ҳам уларга нисбатан ранжишдасиз;
• Қуйи ўзини баҳолаш (танқиддан қўрқиш, ўзингизга, ташқи кўринишингизга ишончсизлик ва ҳоказо);
• Жисмоний ёки руҳий зўравонлик бўлган;
• Қўрқувлар, доимий хавотир, ваҳима ҳужумлари;
• Ўзингизни севмаслик, ўзингизни, танангизни ёқтирмаслик;
• Эрингиз ёки бошқа инсонларга бўлган қарамлик;
• Ўзингизга, қарорлар қабул қилишга ишончсизлик ва масъулиятни бошқаларга юклаш;
• Ҳамма нарсани назорат қилиш истаги;
• Ёлғизликдан қўрқиб бола қилиш ёки фақат вақти келганлиги учун бола қилиш истаги;
• Аниқ мақсад ва орзуларингиз йўқлиги, доимий иккилонишлар;
• Эрингиз билан нотўғри муносабатлар, ўзаро тушуниш, муҳаббат, ҳурмат ва ғамхўрликнинг йўқлиги;
• Бошқа болаларга нисбатан ёқтирмаслик ва ғазабланиш;
• Перфекционизм ва педантизм;
• Депрессиялар, беқарор ҳолат, шахсият бузилиши.

Агар онгли равишда она бўлишга тайёргарлик кўришни истасангиз, ҳомиладорликкача руҳий муаммоларингизни ҳал қилишингиз жуда муҳимдир. Бу ўзингизни ва бўлажак фарзандингизнинг ҳаётини енгиллаштиради.