Ўзингизга бўлган ишончсизлик нафақат касбий фаолиятда, балки шахсий ҳаётда ҳам катта тўсиқ бўлиб қолиши мумкин. Қуйида сизга ёрдам бериши мумкин бўлган бир нечта тавсиялар келтирилган:
• Муваффақиятларга эътибор қаратиш
Барча муваффақиятларингизни рўйхат қилинг. Бу кичик ютуқлар ёки катта натижалар бўлиши мумкин. Асосийси, ўз хатоларингиз ёки муваффақиятсизликларингиз эмас, балки эришган ютуқларингизга эътибор қаратинг.
• Спорт билан шуғулланинг
Тасдиқланган факт: мунтазам равишда спорт билан шуғулланиш нафақат стрессни камайтиради, балки ўзингизга бўлган ишончни оширишга ёрдам беради. Қўшимча фойдалари — яхши жисмоний ҳолат ва ажойиб тана қиёфаси.
• Ўзингизни бошқалар билан солиштирманг
Ҳар доим сиздан яхшироқ бирор киши топилади. Аммо, нима учун ўзингизни улар билан солиштириш керак? Ўзингизга: "Мен ҳам шундай қила оламан," деб айтиб, мақсадга етиш учун қадамлар қўйинг. Вақти-вақти билан ўзингизни ўтмишдаги ўзи билан солиштириб кўринг, ўзгаришлар даражасини баҳоланг.
• Реалистик мақсадлар қўйинг
Мақсад қўйишнинг кўплаб усуллари мавжуд. Асосий қоидалар: мақсад аниқ, ўлчовли ва вақт билан чегараланган бўлиши керак. Шундай қилиб мақсадга етиш мумкин бўлади. Ва янги ютуқлар учун режа тузиш мумкин.
• «Қулайлик зонасидан» чиқинг
Аниқ чегараланган доираларда яшаб, ўзимиз нимага қодирлигимизни қандай айта оламиз? Аста-секин ўзингизнинг қулайлик зонасидан чиқиш йўлларини топинг. Бу билан сиз нимага қодир эканлигингизни, қайси жиҳатлар билан фахрланишингизни ва қайсиларини яхшилаш устида ишлаш кераклигини аниқлайсиз.
• Ўзингизни мақташни ўрганинг
Ҳатто бу кичик нарса бўлса ҳам, ўзингизни мақтаб туринг. Бу сизга энг ишончли ва содиқ қўллаб-қувватловни беради. Ҳар доимги ижобий ҳислар ва ички қўллаб-қувватлов сизга ўзингизга бўлган ишончни оширишга ёрдам беради.
• Доимо ўрганинг
Таълим олишда натижалар кўзга ташланиши керак. Масалан, агар чет тил ўрганаётган бўлсангиз, ижтимоий тармоқларда чет элликлар билан мулоқот қилинг. Агар дастурлар ёзаётган бўлсангиз, уларни махсус веб-сайтларда баҳоланиши учун чиқаринг. Таълим фақатгина "сир" учун бўлмаслиги керак. Билимлар амалий бўлиши ва сиз орқа алоқани олишингиз керак. Шундагина ўзингизга бўлган ишончни ошириш ва муваффақият сари қадам ташлаш мумкин бўлади.
