Маданиятли рад этиш

Сўз кимнингдир илтимосини рад этиш ҳақида кетганда, кўпчилик ўз имкониятларидан келиб чиқиб эмас, балки суҳбатдошнинг илтимосини рад этиш орқали уни ранжитишдан қўрқиб розилик билдиришни танлайдилар. Шунингдек, муаммо ортиб, шахсий чегараларга таъсир қилади: сиз ўзингизга нолойиқ бўлган саволлардан қоча олмайсиз, шахсий ҳаётингизга аралашув ёки унинг баҳоланишига "йўқ" дейишдан қийналасиз.

Шу сабабли, баъзан одам ўзининг мулойимлиги туфайли рад этишга қодир бўлмайди, унга ўзининг ҳар қандай рад жавоби қўполлик сифатида эшитилиши ёки маданиятсизликдек кўриниши мумкин бўлиб туюлади. Бугун мулойим, маданиятли рад этишнинг намунасини кўриб чиқишни таклиф қиламан.

Маданиятли рад этиш:​

1. "Сизнинг қўллаб-қувватлашингиз мен учун жуда қадрли ва унга таяна туриб, мен буни ўзим мустақил ҳал қилмоқчиман."
   Одатда, сизда куч ва масъулиятни ўз зиммангизга олиш истаги борлигини бошқаларга айтиш керак, шунда улар сизни ожиз ҳолатда деб ўйламайдилар.
2. "Бу мавзу ҳақида ҳозир гаплашгим келмайди. Менимча, мен бунга ҳозир тайёр эмасман."
   Ҳар биримизда бошқалар билан муҳокама қилишни истамаган мавзуларимиз бор. Бизда бунга ҳақ бор ва биз ўзимизга ноқулай бўлган муҳокамаларда қатнашмаслигимиз мумкин.
3. "Таклифингиз учун катта раҳмат. Бу менга жуда ёқимли. Лекин бугун кечам аллақачон режалаштирилган ишлар билан банд."
   Кўпчилик учун таклифга рад жавобини бериш ҳақиқий муаммо. Натижада, бундай учрашувлардан кейин ноқулайлик, уялиш ва вақтни зое кетказганлик ҳисси бизга ҳамроҳ бўлади. Бироқ, айтиш керакки, баъзан биз хато қиламиз ва борганимиздан сўнг, вақтни мазмунли ўтказишимиз мумкин.
4. "Молиявий қийинчиликларга дуч келганингиз жуда афсусли, аммо афсуски, сизга қарзга пул бериш учун ҳозирда менда ортиқча маблағ йўқ."
   Бу ерда сукунатни сақлаб, суҳбатда ортиқча маблағ йўқлигини таъкидлаш муҳим. Бу сизга ўз ресурсингизни қадрлашни билган шахс сифатида тасвирлайди.

Сизнинг шахсий ҳудудингиз – бу сиз яратган қоидалар бўйича ишлайдиган автономиядир. У ерга ўз қоидаларини сингдиришга уринадиганларни киритманг.​