Агар сиз ўзингизни овқатланишда назорат қила олмасангиз, муайян маҳсулотларга мойилликка эга бўлсангиз ва бу саломатлигингизга таъсир қилаётган бўлса, эҳтимол сизда овқатга боғлиқлик мавжуд. Буни тушуниш лозимки, сиз шунчаки овқатни яхши кўрадиган одам эмассиз, бу ерда овқатланиш бузилиши, яъни ёрдамга муҳтож ҳолат ҳақида гап кетмоқда.
Сиз сезасизки, тўйганингиздан кейин ҳам овқатланишни тўхтата олмайсиз ва овқатдан ҳаловатланишда давом этасиз. Сиз ширинлик ёки аччиқ, ёки ўткир таъмли, ёки ёғли ва қовурилган овқатларни яхши кўрасиз. Бу ҳам овқатланиш бузилиши (РПП) аломатидир.
Кўпинча инсон овқатни кўп ейишдан кейин уялчи ва айбдорлик ҳисини ҳис қилади. Уни ортиқча вазн безовта қилади, ўз ташқи кўринишидан норози, аммо шунга қарамай овқатни меъёрдан ортиқ истеъмол қилишда давом этади.
Оддий диеталар вазнни камайтиришга ёрдам бермайди, чунки одамда синишлар, овқатга бўлган муомалага нисбатан рецидивлар кузатилади. Ташқи кўриниш билан боғлиқ муаммолардан ташқари, юрак-томир тизими, ошқозон-ичак тракти, тери ва бўғинлар зарарланиши ҳам кузатилиши мумкин.
Руҳият томонидан ташвиш, тушкунлик ҳолати, ёмон уйқу ва ҳатто
ваҳима ҳужумлари кузатилиши мумкин. Овқатга боғлиқликка эга одам ўзини овқат истеъмол қилмасликка қодир бўлмаган жойлардан четлашади. Шунингдек, ортиқча вазн сабабли одамлар ичида бўлишдан қочади. Бу эса овқатга бўлган боғлиқликнинг янада кучайишига олиб келади.
Даволанишни бошлаш учун ўзингизни қабул қилиш ва содир бўлаётган воқеаларни тушуниш муҳимдир. Овқатга бўлган боғлиқликни ўзига енгиш ҳар доим ҳам қўлдан келмайди, шунинг учун аддикция (бўғлиқлик) билан ишлайдиган мутахассисга мурожаат қилиш лозим.
Ҳар қандай ҳолатда ҳам, сиз учун соғлом турмуш тарзи, спорт, саёҳат, қизиқарли машғулотлар долзарб бўлади. Эмоцияларингизни назорат қилишни ўрганишингиз, овқат истеъмол қилишга бўлган импулсив хоҳишга қарши курашишингиз лозим бўлади.
Агар сизни оила, дўстлар ёки севган инсон қўллаб-қувватласа, бу яхши бўлади. Шунингдек, мавжуд бўлган гуруҳлар орқали тажрибаларингиз билан бўлишиш ва овқатга бўлган боғлиқликни енгиш бўйича маслахатлар олиш мумкин.
Вақт ўтиши билан овқатни энергия, фойдали моддалар ва витаминлар манбаи сифатида кўришга ўрганиш керак бўлади, фақат ҳаловат манбаи эмас.
Овқатланиш бузилиши жиддий терапияга муҳтож муаммо эканлигини ёдда тутинг. Овқатга бўлган ёндашувингизни ўзгартириш учун психолог ёрдамига мурожаат қилишдан уялманг.
